Է՜ն ուրիշ Ֆրունզիկը

Սցենարի հեղինակներ/ռեժիսորներ՝ Հովհաննես Պապկիկյան, Շուշանիկ Սահակյան
Դերակատարներ՝ Անդրանիկ Հարությունյան, Սիլվա Յուզբաշյան
Ժանր՝  վավերագրական
Նկարահանման ֆորմատ՝ DVcam
Տևողությունը`  66  ր.
Ձայն՝ ստերեո
Լեզու՝ հայերեն
Արտադրող ընկերություն` Հայաստանի ազգային կինոկենտրոն, "ԱՎՏ" ստուդիա
Նկարահանման վայր՝ Մուշ, Վան, Գյումրի, Երևան
Ֆիլմի ավարտը՝ 2011 թ.

Ֆիլմը ներկայացնում է թատրոնում ու կինոյում  մեծ Արտիստի անցած ուղին, մատնանշում արտիստի ձեռքբերումները, ներկայացնում նրա ասելիքը մարդկանց, բնության, հավերժության մասին, նրա խոհերը, մտորումները, տագնապները, հորդորները:
Ֆիլմի հիմնական ասելիքը Մհեր Մկրտչյանի խոսքն է` վերածնված հարցազրույցներից, տպագիր նյութերից, լայն հասարակայնությանն անծանոթ հազվագյուտ ձայնագրություններից: 
Արտիստի խոսքի մի մասը ներկայացվում է լեյտմոտիվով` իր լուսանկարով, մեծամասամբ` կադրերի համադրությամբ: Ֆիլմերից հատվածների ներկայացման լեյտմոտիվը կառքով գնալու կադրերն են: 
Ֆիլմում Մհեր Մկրտչյան արտիստը ներկայանում է և’ որպես կոմիկ, և’ որպես ողբերգակ` երկուսն էլ հավասարապես հոգեհարազատ իրեն, կերպարները համոզիչ, տիպական, հյութեղ ու կատարյալ: 
Մեծ կարևորություն է տրված և հատկապես շեշտված Արտիստի հաջողությունների բանալին հանդիսացող դերի պատրաստման նրա կերպը` մեծ պատասխանատվությունը հանդեպ հանդիսատեսը, որը նրան դրդում էր իմպրովիզացաիների միջոցով անընդհատ կատարելագործել իր մարմնավորած կերպարները, դրանք դարձնել հանդիսատեսին ավելի սիրելի ու հոգեհարազատ:
Մհեր Մկրտչյանը որքան սիրելի և ընդունելի էր կինոյում` նույնքան էլ, կամ գուցե ավելի շատ ընդունելի էր որպես թատրոնի դերասան: Ուստի ֆիլմում Մկրտչյանը ներկայանում է նաև որպես հայ բեմի երախտավոր` իր մեկնությունները կան ընդհանրապես թատերական արվեստի և մասնավորաբար իր մարմնավորած կերպարների մասին: Հատվածներ կան "Պաղտասար աղբար" և  "Հացթուխի կինը"   ներկայացումներից:

http://www.ncca.am/producing/browse/page/5/index   



Печать