Հանրային Ռադիո«Կյանքն ամեն րոպե, ամեն վայրկյան թատրոն է »
«Ռադիոդիմանկար» -ը նվիրված է Մհեր Մկրտչյանին:
Հաղորդման մեջ հնչում են հատվածներ դերերից և ՄԵԾ մարդու, դերասանի հետ հանդիպում-զրույցներից:

Հեղինակ՝ Նաիրա Հայրապետյան

Печать

Մհեր ՄկրտչյանԽՍՀՄ ժողովրդական արտիստ, թատրոնի ու կինոյի դերասան Մհեր Մկրտչյանը ծնվել է 1930 թվականի հուլիսի 4-ին Գյումրիում:
Հայկական ֆիլմերում Մհեր Մկրտչյանի ուրախ ու տխուր կերպարներն անհնար է մոռանալ:
Նա նկարահանվել է նաև «Մոսֆիլմ» կինոստուդիայի ֆիլմերում:
Այս ամենից հետո էլ հանճարեղ դերասանը զարմանալիորեն համեստ էր, երբ հայտնել են Խորհրդային Սոցիալիստական Հանրապետությունների Միություն ժողովրդական արտիստի կոչմանն արժանանալու լուրը, նա հուզվել ու ասել է. «Ուրեմն դերասան կդառնամ»:


imradioՍյուզի Լևոնյան
4 Հուլիսի, 2020
https://imradio.armradio.am/2020/07/04/%D5%A1%D5%B6%D5%AF%D6%80%D5%AF%D5%B6%D5%A5%D5%AC%D5%AB-%D5%A1%D6%80%D5%BF%D5%AB%D5%BD%D5%BF%D5%A8-%D5%B4%D5%B0%D5%A5%D6%80-%D5%B4%D5%AF%D6%80%D5%BF%D5%B9%D5%B5%D5%A1%D5%B6/

Печать

Մհեր ՄկրտչյանՄարտի 11-ին Թբիլիսիում՝ Վրաստանի խորհրդարանի ազգային գրադարանի մեծ դահլիճում, կայացել է նշանավոր հայ դերասան, ԽՍՀՄ ժողովրդական արտիստ Մհեր Մկրտչյանի հիշատակին նվիրված հուշ-երեկո: «Ֆրունզիկ Մկրտչյան. 20 տարի անց» խորագրով այս միջոցառումը կազմակերպվել էր Վրաստանում Հայաստանի դեսպանության հովանավորությամբ՝ «Կովկասյան տուն» մշակութային կապերի կենտրոնի կողմից և Վրաստանի խորհրդարանի ազգային գրադարանի աջակցությամբ: Այս մասին հայտնում են ԱԳՆ հասարակայնության հետ կապերի վարչությունից:

Հուշ-երեկոյին մասնակցել են Վրաստանում Հայաստանի դեսպան Հովհաննես Մանուկյանը, Վրաստանի Համերաշխության և քաղաքացիական հավասարության նախարար Պաատա Զաքարեաշվիլին, Վրաստանի խորհրդարանի պատգամավորներ, Վրաստանում հավատարմագրված օտարերկրյա դեսպաններ և միջազգային կազմակերպությունների ներկայացուցիչներ, վրաց հասարակական և մշակութային գործիչներ, հայ համայնքի բազմաթիվ ներկայացուցիչներ:
Միջոցառման բացմանը ողջույնի խոսքով հանդես է եկել ՀՀ դեսպանը։ Նա, մասնավորապես, նշել է. «Ընդամենը վերջերս՝ դեկտեմբերի 29-ին, լրացավ 20 տարին, ինչ Ֆրունզիկ Մկրտչյանը մեզ հետ չէ: Բայց մեծ տաղանդի և խաղացած փայլուն դերերի շնորհիվ նա միշտ կմնա մեր սրտերում: Ֆրունզիկն անկրկնելի Վախթանգ Կիկաբիձեի հետ միասին «Միմինո» ֆիլմում կարողացավ ցուցադրել հայ-վրացական ընկերության և բարեկամության էտալոնը: Այդ առումով Մհեր Մկրտչյանը լիարժեք կարող է համարվել Հայաստանի մշակութային, ավելին՝ ժողովրդական դեսպանը մեր բարեկամ Վրաստանում»:
Երեկոյի հյուրերին ողջունել է նաև Վրաստանի Համերաշխության և քաղաքացիական հավասարության նախարար Պաատա Զաքարեաշվիլին, ով խոսել է հայ-վրացական դարավոր եղբայրության և բարեկամության մասին՝ միաժամանակ հայտնելով իր ակնածանքը և սերը Մհեր Մկրտչյանի և նրա արվեստի հանդեպ:
Վրաստանում Ղազախստանի արտակարգ և լիազոր դեսպան Երմուխամետ Երթսբաեվը հանդես է եկել գնահատանքի խոսքով. «Երբ մարդը հանճարեղ արտիստ է, նա ազգային պատկանելություն չունի: Ինչպես դերասանն էր ասում՝ կյանքում ամեն բան անցողիկ է, միայն արվեստն է, որ անմահ է»։

Հանրային ՌադիոԼիլիթ Մուրադյան 
12 Մարտի, 2014
https://hy.armradio.am/2014/03/12/%d5%b4%d5%b0%d5%a5%d6%80-%d5%b4%d5%af%d6%80%d5%bf%d5%b9%d5%b5%d5%a1%d5%b6%d5%ab-%d5%b0%d5%ab%d5%b7%d5%a1%d5%bf%d5%a1%d5%af%d5%ab%d5%b6-%d5%b6%d5%be%d5%ab%d6%80%d5%be%d5%a1%d5%ae-%d5%b0%d5%b8%d6%82/

Печать

«Չտեսնված Մհերը»«Անտարես» հրատարակչությունը լույս է ընծայել  մեծանուն հայ դերասան Մհեր Մկրտչյանին նվիրված «Չտեսնված Մհեր» եռալեզու գիրքը,  որտեղ զետեղված են դերասանի երկու հարյուրից ավելի, մինչև այժմ երբևէ չհրապարակված անձնական լուսանկարներ՝ կարճ տեղեկություններով։
«Գրքում կան նկարներ, որոնք մինչև այժմ մարդիկ չեն տեսել։ Բացի այդ՝ Ֆրունզիկն այն դերասանն էր, ում կարելի է միանշանակ անվանել չտեսնված»,-նշել է Մհեր Մկրտչյանի այրին՝ դերասանուհի Թամար Հովհաննիսյանը:
Իսկ ինչո՞ւ որոշեցիք բացահայտել այդ չտեսնված Մհերին, հարցին  նա պատասխանում է. «Մհերի մասին այն ամենը, ինչ մինչ օրս հրատարկվել կամ նկարվել է, ոչ մի կապ չունի իրական Մհերի հետ… Գրքում ներկայացրել եմ այն Մհերին, ում հանդիսատեսը չի ճանաչում. ինչպես նա կարող էր կատակել, սիրել , անակնկալ մատուցել: Հանդիսատեսը Մհերին գիտի որպես դերասան, որը մարդկանց ծիծաղեցնում էր, բայց ինքը լաց էր  լինում, խմիչքի հանդեպ անտարբեր չէր, խեղճ էր»:
Մհեր Մկրտչյանի այրին վստահեցնում է, որ գիրքը ստեղծելիս բավականին անկեղծ ու համարձակ է եղել: Ցանկացել է, որպեսզի մարդիկ տեսնեն ու ճանաչեն նոր  Մհեր Մկրտչյանին: Դերասանուհին միաժամանակ ընդգծում է. «Սա իմ ընկալման Մհերն է»։
Գրքում ուրիշ Մհեր է, իր որակով ուրիշ է նաև հենց գիրքը ՝ Մհեր Մկրտչյանի նվիրված մինչ օրս գոյություն ունեցող գրքերի ցանկում:
«Գիրքը սովորական ալբոմ չէ: Ինչպես լուսանկարները, այնպես էլ տեքստը համարժեք կարևոր են: Կարևոր է նաև դրանց մատուցման սկզբունքը»,- ասում է «Չտեսնված Մհերը» գրքի խմբագիր Զավեն Բոյաջյանը, ում համոզմամբ ևս դերասանի մասին մինչ օրս ստեղծված գրքերն ու ֆիլմերը հեղեղված են անճշտություններով:
Ի՞նչ է իրականում իրենից ներկայացնում գիրքը՝ արվեստասերը հնարավորություն կունենա պարզել փետրվարի 25-ին  Մայր թատրոնի ձմեռային այգում կահանալիք շնոհանդեսին, որին մասնակցելու համար կանայք պետք է ներկայանան 70-ականների ոճով, տղամարդիկ՝ սմոքինգով:

Հանրային ՌադիոԱրմեն Վարդանյան
13 Փետրվարի, 2015, 
https://hy.armradio.am/2015/02/13/%d5%b9%d5%bf%d5%a5%d5%bd%d5%b6%d5%be%d5%a1%d5%ae-%d5%b4%d5%b0%d5%a5%d6%80%d5%a8-%d6%86%d6%80%d5%b8%d6%82%d5%b6%d5%a6%d5%ab%d5%af%d5%ab-%d5%a1%d5%b5%d6%80%d5%ab%d5%b6-%d5%b6%d5%a5%d6%80/

Печать

Մհեր ՄկրտչյանԱյսօր սիրված դերասան Մհեր Մկրտչյանի ծննդյան օրն է

alisagevorgyan Ալիսա Գեւորգյան
4 Հուլիսի, 2017
https://hy.armradio.am/2017/07/04/%d5%a1%d5%b5%d5%bd%d6%85%d6%80-%d5%bd%d5%ab%d6%80%d5%be%d5%a1%d5%ae-%d5%a4%d5%a5%d6%80%d5%a1%d5%bd%d5%a1%d5%b6-%d5%b4%d5%b0%d5%a5%d6%80-%d5%b4%d5%af%d6%80%d5%bf%d5%b9%d5%b5%d5%a1%d5%b6%d5%ab-%d5%ae-3/
 

Печать

Качество сайта согласно www.cys.ru

качество сайта frunzik.com

Мы на Контакте

Мы на ФЕЙСБУКЕ