«Մեկ օր Մհեր Մկրտչյանի հետ»

Ինչպես գիտեք, այս տարի լրանում է հայ մեծանուն արտիստ Մհեր Մկրտչյանի մահվան 20-րդ տարելիցը:

Հանդիսանալով երիտասարդության հիմնախնդիրներով զբաղվող հասարակական կազմակերպություն՝ «ԼոգոՍ» ԵՀԿ-ն մեծ ուշադրություն է դարձնում հասարակության բոլոր անդամների, առավելապես երիտասարդների ինտեգրմանը հայ մեծերի հոբելյաններին: Այդ իսկ պատճառով սույն թվականի դեկտեմբերի 28-ին՝ արտիստի մահվան օրը, նախատեսվում է կազմակերպել միջոցառումների հետևյալ շարքը:
Դեկտեմբերի 28-ին ժամը 11:00-ին Գյումրու Սբ. Աստվածածին (Յոթ վերք) եկեղեցում կմատուցվի հոգեհանգստի արարողություն` ի հիշատակ հանճարի:
Պատարագին կհաջորդի դերասանի անունը կրող թանգարանում ցուցահանդեսի բացումը, որի ընթացքում այցելուների ուշադրությանը կներկայացվեն վարպետի ձեռքով արված մատիտանկարները: 
Այնուհետև, երեկոյան ժամը 15:00-ին Գյումրու «Հոկտեմբեր» կինոթատրոնում տեղի կունենա «Ֆրունզի հետքերով» կարճամետրաժ ֆիլմի պրեմիերան, որից հետո նախատեսվում է անցկացնել բաց հանդիպում «Մեր մանկության տանգոն» ֆիլմի ռեժիսոր Ալբերտ Մկրտչյանի և Մհեր Մկրտչյանի խաղընկերների մասնակցությամբ: Այնուհետև կցուցադրվի բոլոր ժամանակների ամենատպավորիչ ֆիլմը՝ «Մեր մանկության տանգոն»: